First Day High

Kanina ka pa?

Musta?

Ayos lang. Kaw?

Tatango

Asan siya?

Magkikibit-balikat

May kinuha ka na?

Ito lang (Beer at mani)

Boss!

May lalapit

Isa nga rin. (Tuturo sa beer). Tsaka... (Pabulong) pengeng mani. Wag adobo a, nilaga.

Tatango si Boss

Kamusta mga bata?

Tulog na kanina pa

Anong sabi mo?

Kako iinom lang saglit, sa kaibigan ko

Naniwala naman?

Sana

Matalino pa naman yung dalawa

Tangina. Hindi ko alam anong sasabihin ko pag nagtanong uli e

Tahimik. Lilingon sa ibang direksyon

Ayos din pala to nu? Mukhang malinis

Dapat lang. Sa labas man lang e

Yan na yata ung inorder ko

Babalik si Boss, may dalang beer at isang platong mani, at isa pang mani

Hi

Hi. Ernie. Kumpare ko si Jun

Tatango

Tikang. 2 months pa lang.

Yun! Maupo ka

Jun, parang malungkot ka?

‘Di ayos lang yan

Jun, gusto mo ba? May marireto ako

(Diretso ang tingin) Hindi ayos lang

Kanina pa kayo?

Hindi naman

First time niyo dito?

Siya oo, ako hindi

Parang hindi siya nag-eenjoy

Ayos lang yan. Mamaya lang konti magsasalita na rin yan

Okay. Ano namang sinabi mo sa misis mo?

Sus. Wala ako nun.

2 months na ako dito. Lahat sila wala daw nun
Sila yun

Bolero. Itong si Jun ba? Jun!

Meron na ‘ko

Buti pa ‘to mukhang mabait

Mukha lang! Hindi... mabait talaga yang kumpare ko

Tikang, sino yun?

Titingin sila sa kanan

Ewan ko. Bago lang.

Hindi. Yung kasama niya?

Yung balyena? Si Rody, suki rito

Bakit pre?

Blanko

Naku, hindot yang hinayupak na ‘yan. Putangina ang bigat sa kama. Nakakapagod. Ang liit naman ng titi. Tagal pang labasan.

Mukhang may kaya.

Sa totoo lang, malaki naman magtip

Tatayo

Pre, san ka pupunta?

CR lang

Sige, dagdag ako ng isa pa a

Tatango

Babalik sa lamesa

Tuloy ang kwentutan... kwentuhan pala

Anong oras ka matatapos dito?

Maya maya. Mga ala singko. Hindi mo ba ‘ko papainomin?

Siyempre naman. Order ka.

Boss!

Huling lagok na. Tatayo

Jun? Pre?

Palabas

Jun? Pre?

Una na ‘ko.

Pre naman. Ni hindi mo nagalaw yung mani mo.

Papasok pa mga bata

Tangina naman pre. Kakasimula

Baka magising sila.

pa lang

Ni isa sa ‘min hindi nila makita

natin

Mga ala singko pa pala

Ako taya ngayon!

uuwi nanay nila

(378 salita)