An Ode To The Scribes

While waiting to get a haircut last Sunday, I browsed through a copy of Pilipino Star Ngayon and read an interesting article commending the value of writers to the society:

Ang pagsusulat 

PILANTIK Ni Dadong Matinik (Pilipino Star Ngayon) Updated July 01, 2012 12:00 AM

Pagsusulat pala’y magandang ugali

na taglay ng mga dakilang bayani;

Panulat ni Rizal saka ni Mabini

nagbigay ng dangal sa bayan at lahi!

Bukod sa kanila marami pang iba

na sa pagsusulat ay naging dakila;

Sa ngayo’y nariyan ang maraming diwa

ang mga sinulat ay yaman ng bansa!

Maraming editor at mga reporter

nabuhay, namatay tapat na supporter;

Nang mabuting puso’t gawaing matuwid

na sa buong bansa ay dapat mabatid!

Mga nagsusulat ng nobela’t kwento

ay kinikilala sa lahat ng dako;

Ating nakikita sa TV at radio

kanilang sinulat may aral na ginto!

Mga komentaryo mabuti’t masama

sa dyaryo’t magasin ating nababasa;

Kaya ang magsulat talagang maganda

ideya ng puso nalaman ng bansa!

Mga photographer sa lahat ng lugar

ang kamera nila nagbibigay-linaw;

Sa larawang kuha sa mga lansangan –

nasa caption nito ebidens’yang tunay!

Ang mga sakuna’t malagim na krimen

nailalarawan ng batikang writer;

Kaya sa husgado’y nagbibigay-pansin

sa tamang notasyon ng clerk na magaling!

Kaya ugali kong magsulat ng tula

sa gabi at araw aking ginagawa;

Ito ang gawaing sa akin ay akma

ay dito’y kabilang – Diyos na Dakila!

Ang mga composer, mga mang-aawit

lubha ring maganda ang kanilang hilig;

Kung sila ay wala sa ating daigdig

sa duyan ang sanggol ay di maghihilik!

Old fashioned. True.